पाऊस पडणार कसा?
झाड झाड तोडून बांधले तुम्ही हाउस
पाणी पाणी करता पण पाऊस पडणार कसा
ओंझळभर पाण्यासाठी चाललेत नळ वाहून
पाण्याच्या बचतीसाठी मग येणार कोण धावून
घोटभर पाण्यासाठी कोरडा पडेल घसा
पाणी पाणी करता पण पाऊस पडणार कसा
पाणी हेच जीवन म्हणती सारे जीव
झाड झाड तोडताना येत नाही कीव
पुढच्या पिढीला दाखवायला उरणार का रे मासा
पाणी पाणी करता पण पाऊस पडणार कसा
प्रदूषणाच्या मदतीसाठी धावते तुमची गाडी
रस्ता झाला मोकळा तुला पण कापली गेली झाडी
पर्यावरणाच्या गप्पा मारता पण जपणार कोण वसा
पाणी पाणी करता पण पाऊस पडणार कसा
दूर दूर आकाशात उडतील का रे चिमण्या
श्वासच नाही उरला तर चालणार कशा धमन्या
निर्सर्गाशी वैर करून काय करणार नासा
पाणी पाणी करता पण पाऊस पडणार कसा
0 comments:
Post a Comment