​​वारी चैतन्याची

मस्ती की पाठशाला

माफ करा राजे आता संपावर जातोय.....

एका शेतकऱ्याची छत्रपती शिवाजीराजेंना आर्त हाक... माफ करा राजे आता संपावर जातोय

शेतकरी असाल तर ऩक्कीच बघाल

शिवकवी सागर सर ननावरे यांच्या लेखनीतुन व प्रसिद्ध

शिवव्याख्याते राकेश पिंजण सरकार यांच्या वाणीतुन एक शेतकरी आपलं गाऱ्हाणं आपल्या शिवाजी महाराजांना या कवितेतुन सांगतोय नक्की पहा आणि तुमच्या संपुर्ण गृपवर शेअर करा ही विनंती..

जे होतं ते चांगल्यासाठीच......

जे होतं ते चांगल्यासाठीच......

आजचा संप उद्याचा भूकंप

         *शेतकऱ्यांची छत्रपती शिवाजी महाराजांना हाक*

                                                        *आजचा संप उद्याचा भूकंप*

*संप होईल भूकंप आता*

*जीव हा तळमळतोय*

*माफ करा राजे*

*आता संपावर जातोय*

*रक्ताचं पाणी करून*

*गाळला शेतात घाम*

*मर मर मरूनसुद्धा*

*मिळला नाही दाम*

*शिळं पाक तुकडे इथं*

*रोज रोज खातोय*

*माफ करा राजे*

*आता संपावर जातोय*

*ज्या दुधानं झालो मोठा*

*त्या दुधाचा होतोय  चिखल*

*काळजाला पडल्यात भेगा*

*पण कुणीच घ्यायना दखल* 

*पोराबाळांचा जीव आमच्या*

*नुसता कासावीस होतोय*

*माफ करा राजे*

*आता संपावर जातोय*

*कर्जाच्या ओझ्याखाली*

*तुटतोय तो सातबारा*

*मायबाप पुढाऱ्यांनी*

*आमचा खेळ केलाय सारा*

*खादीमधला रक्षणकर्ता*

*अंत आमचा पाहतोय* 

*माफ करा राजे*

*आता संपावर जातोय* 

*मॉलसाठी अफाट पैसा पण*

*भाज्यांसाठी करतात भाव* 

*आपलीच माणसं सुद्धा*

*काळजावर घालत्यात घाव*

*अश्रूंचा हा  झरा आता*

*दुष्काळातही वाहतोय*

*माफ करा राजे*

*आता संपावर जातोय*

(कवीच्या नावासहीत शेअर करा स्वतच्या नावावर खपवून स्वताला फसवु नका)

(क्रुपया ही कविता जास्तीत जास्त शेअर करा  शेतकऱ्यांच्य व्यथा आता मंत्रालयापर्यंत जाऊ द्या )